SAC ta comunicable henter ora den
tur preparacion durante henter aña pa nos dushi Carnaval. E compania number un
den telecomunicacion na Aruba, SETAR ta partner cu SAC ya pa varios aña caba,
na unda provee tur medio di comunica cion pa
SAC.
Pa e motibo aki mes, SETAR a dicidi
di upgrade e BlackBerry Bold di representantenan di SAC pa e version mas
recien. SAC lo ta mas comunicable cu nunca y cu tecnologia 3G cu hopi
rapidez. E
technologia 3 G ta hasi posibel cu SAC por wak Telearuba live
cu lo yuda SAC den e guia di e paradanan di Aruba su Carnaval 55.Un pabien pa tanto Rene Ridderstap como Sra. Tecla
Hernandez-Kelly, presidente di SAC cu ta bai estrena nan modelo nobo di
BlackBerry powered by SETAR durante e fin di siman aki. Riba e potretnan:
momento cu Sra. Sandra Diaz Kelly di SETAR ta haci entrega di e ultimo
modelo di BlackBerry Bold na sr. Rene Ridderstap y sr. Roland Croes
Director di SETAR ta entrega Sra. Tecla Hernandez Kelly su Bold nobo nobo.
Resultado parada di Oranjestad
Tuesday, 24 February 2009
aki SAC tin e resultado di e parada di Oranjestad. Roadpiece Campeon ta Majestic. Bodypice Majestic. Seccion Campeon ta Champagne. Carosa campeon ta Champagne. Massa Champagne, Incentivo a keda den Majestic, Comico Hoffie Prikichi, Comercial Creators, Ambiente Tsunami. Pa tur e otro resultado click read-more
E parada di momito a cuminsa 815 pm, y Le groove ta e
unico banda cu a compañe, tabata tin hopi mirones.
Presente tabata tey Prins y pancho infantil/Hubenil y
grandi. Reina Hubenil y Sra Carnaval.
Y Momito a wordo kima exactamente. 12.05 Stichting Arubaanse
Carnival "SAC" kier a gradici tur cu ta presente y alabes ta invita
henter e pueblo Carnavalesco , tur e gruponan , tur e ganadornan. yna tur e banda nan musical pa bin compaña Rey
Momo mayan diamars 24 di Februari pa 8or pm saliendo for di Dow, LG Smith Blvd,
Vondellaan,Fergusonstraat y terminando den Aruba Entertainment Center y na unda
e Rey Momo lo wordo kima pa 12or am.
Campaña di Balashi di 5+5 a conoce su ganadornan
Thursday, 19 February 2009
Diaranzon ultimo e campaña inovativo y
dinamico y exitante di Brouwerij Nacional Balashi a jega su final. Culminando
asina 5 siman di campaña den un tremendo fiesta na Talk of the Town. Dos
ganador feliz di 5000 florin y dos ganador di 500 florin a bin colecta nan
premio pa asina caba e temproada dushi di carnaval aki riba un nota positivo.
Den un forma festivo e premionan gordo a wordo parti na Talk of the Town, cu ta
forma parti di e Balashi Carnaval Town, cu porcierto a sa di pone drama den e
temporada di Carnaval 55
CD di Tumba y Roadmarch a ser entrega na Director di Setar
Thursday, 19 February 2009
Den
un ambiente Carnavalesco rond di empleadonan di SETAR y dirigentenan di SAC e
CD nan di Tumba y Calypso y Roadmarch 2009 a set entrega na Director di SETAR
Roland Croes.
Ela
wordo haci door di Ivan Quandus di IQ MusicLab den nomber di e Artistanan cu ta
aparece riba e Cd nan menciona.
Na
e ocaccion aki Ivan Quandus a gradici Sr Roland Croes den nomber di e
artistanan pa kere den e projecto aki cu ta valioso y
cardenal den e documentacion di e desarojo di nos musica Carnavalesco. Atravez
di e documentacion aki diferente segmento den nos comunidad lo beneficia di e
creacion aki
KROSFYAH: “E banda mas popular di SOCA”
Monday, 09 February 2009
Krosfyah, un grupo
di hobennan hopi humilde cu ta stima musica a bolbe inventa e soca manera nos
conoce awendia. E grupo aki cu nan manera unico di bisti ta haci e soca mas
“Cool”. Nan ta bisti bootsnan di combat, pañanan hancho di colornan hopi cla y
cu “bandanas”cu ta dorna nan “funky dreads”. Asina conhuntamente cu e
combinacion di e bistimento y e melodianan infeccioso ta haci cu nan
presentacionnan ta yen di energia y di ritmo cu ta papia e lenguahe cu
unicamente bo heupnan por compronde.
