SAC ta informa e publico engeneral y principalmente e amantenan di tumba cu e kaarchinan di entrada pa e Tumba Contest 2008 ya caba ta obtenibel na oficina di SAC y na Mandingo Snack. Ticketnan ta na balor di AWG 20,00 engeneral. Pues tur esnan cu kier sinta durante Tumba Contest ta wordo sugeri pa nan trece nan mesun stoel. Ta permiti pa bini cu jug pero esaki mester ta bashi. Den e facilidad mes tin e opcion pa cumpra ice y bebida pa yena e jug pa asina bo por sinta disfruta di nos gran Tumberonan.

Mayan diasabra pa 11or di mainta inscripcion pa eleccion di Reina Infantil y Hubenil lo sera. Pues esnan cu ainda no a entrega e formulario di inscripcion na oficina di SAC por hasi esaki e ora aki ainda. Alabez pa 11or lo tira lot pa e eleccion di e di 33 Reina Infantil y e di 45 Reina Hubenil di Aruba di Carnaval. Tiramento di lot lo tuma lugar na e edificio di ATIA. Pues ta spera tur candidata pa ta presente na e ora stipula. Alabez tur participante ta wordo pidi pa entrega tur e documentonan necesario pa nan participacion.

Diabierna prome cu 1or bandanan tin cu caba di entrega nan informacion. Manera tur anja tin gruponan cu ta inscribi den Calypso y Roadmarch y no tin tur informacion di e cantante of cancion, compositor of areglista. Pesey Diabierna 1or merdia ta e ultimo ora cu por entrega e informacion. SAC ta purba bel esnan cu no a duna e informacion complete pero ta dificil pa hanja tur hende.
Loke nos por confirma ta e  cantidad di cantante y banda

SAC a ricibi informacion cu e grupo di Los Laga Bai no tin lugar mas. Diferente persona a cuminsa reacciona riba esaki y nos a bai check y ta confirma cu no tin mas lugar den e grupo. Nan a yega nan limite di participante.

93 Roadmarch y 39 Calypso lo participa e anja aki den e competencia. 27 banda lo participa. Tin algun banda nobo. E ambiente tabata tremendo na Centro di bario Brazil cu tur e participantenan.Click pa check e list di banda cu lo participa. Diaranzon nos lo publica e cantantenan.