Den e ultimo encuentro cu gruponan di Carnaval y SAC den 2007 a keda dicidi cu lo tira lot pa e paradanan na comienso di januari 2008 pa asina tur carnavalista ta informa di e nr di nan grupo. Riba dialuna 7 di januari 2008 pa 7:30pm na edificio di ATIA banda di oficina di SAC lo tira lot pa e paradanan di mucha y adulto. Pues tur lidernan di grupo of nan representante ta wordo pidi pa ta presente na tempo pa asina haya sa e secuencia pa loke ta trata e paradanan di mucha y adulto pa Carnaval 2008.

SAC a haya e informacion cu ainda tin algun lugar den e gruponann cu ta participando na Fakkel awe nochi. Pues esnan cu ainda ta interesa pa participa por tuma contacto cu e gruponan ainda tin lugar pa ricibi algun participacion. Ya caba e grupo Youth Extreme ta FULL FULL pues e no ta tuma mas participante. E demas gruponan tin algun lugar so ainda. No laga e oportunidad aki pasabo pa despues otro tin cu contabo con bon nan pasa den FAKKEL.

SAC ta informa na e publico engeneral cu esnan cu ta pensa pa causa problema na un of mas actividad organisa dor di SAC pa tene bon cuenta cu lo siguiente. Esun of esnan cu causa problema caminda cu e actividad di Carnaval organisa pa SAC mester wordo cancela of caminda cu autoridad ta pone un stop na e actividad di SAC caminda cu SAC lo sufri consecuencia financiero tin cu core cu e consecuencia cu SAC lo entama un caso legal pa asina pone esun of esnan cu a causa e problema aki legalmente responsabel pa e perdida financiero.