Inscripcion y tiramento di Lot pa cu e TUMBA CONTEST 2009
Tuesday, 20 January 2009
Den un ambiente bon anima pa “Prive”na Balashi Garden a tuma lugar e inscripcion y tira mento di “lot” pa cu eTumba Contest 2009. E tumba contest lo tuma lugar diasabra awor 24 di Januari 2009 den Aruba Entertainment Center(Bo Cas di Carnival) pa 7.30 pm. Pa e anochi aki lo bai tin 11 banda c’un total di 27 cantante, cual ta 18 cantante masculino y 9 cantante femenino. Lot a worde tira entre e bandanan. E secuencia d’e bandanan ta lo siguiente:
Pa medio di e comunicado aki Stichting Arubaanse Carnival “SAC” kier a informa tur comision di districto, organisacion y mamanan cu tin pensa di manda nan reina of yiu pa participa na e eleccion di reina Hubenil cu ta bai tuma luga dia 30 di Januari 2009, pa inscribiawe 19 januari 2009 prome cu 3or di atardi, p’asinaSAC por sa cuanto candidata tin pa c’e eleccion di reina Hubenil 2009. Motibo pa esaki ta cu dependiendo cuanto candidata inscribi e fecha ta keda mescos y si no tin hopi incripcion lo e tuma luga riba e mesun fecha cu eleccion di reina grandi.
Stichting Arubaanse (SAC) ta informa e Pueblo Carnavalesco
Monday, 19 January 2009
Stichting Arubaanse Carnival (SAC) kier a informa e pueblo carnavalesco encuanto e “last lap band” na parada di blaas na San Nicolas. Ful e preparacion pa cu e parada aki no ta den man di SAC. E parada aki tin su organisadornan. Den reunionnan cu tabata tin cu diferente organisadornan di eventonan di Carnival a papia hopi cla cu cada evento mester ta independiente. Tambe SAC kier a duna di conoce cu pa cu e parada di blaas di San Nicolas SAC a contribui c’e brassband. Apesar cu SAC tin palabracion haci manera ya menciona, toch no a keda sin duna un man. Cu e comunicado aki SAC kier a duna danki na cada organisador di eventonan, pa nan initiativa, motivacion, entusiasmo y coperaciondurante e temporada aki. Sigui cu e bon trabou y hopi exito!
Tiramento di “LOT “ pa Reina Infantil 2009
Monday, 19 January 2009
Tequila night club tabata completamente yen di muchanan pa sostene nan candidatanan na momento di tiramento di lot pa cu reina infantil di Aruba su Carnival. En total tabai tin 5 candidata y e resultado di e tiramento lot ta lo siguiente: 1. Jairee Revienska ODUBER representado Santa Cruz; 2. Zugeska Zugene ARENDZ representando Sunrise/Jolly Kids; 3. Tara Victoria ROGA representando Champagne Carnival group; 4. Alisha Tizaine CROEZE representando Little Chaz/Don Flip Racing; 5. Rose-laine Regina ROCK representando Wizz Kids/Mundo Infantil.Stichting Arubaanse Carnival (SAC) kier a invita henter e pueblo Carnavalesco pa bin apoya nos muchanan durante eleccion di reina infantil. E eleccion di reina infantil di Aruba su Carnival ta tuma luga diabierna awo 23 di januari 2009 pa 07or anochi. Entrada ta Afl.5,00 pa mucha te cu 12 aña y Afl.10,00 pa hende grandi. Nos di SAC kier a desea cada un candidata hopi exito diabierna awo.
