Diadomingo 9:10 pm a tuma lugar e resultado di Prins cu Pancho Infantil den Club Caiquetio. Riba e anochi aki Elsa Westerburger tabata maestro di Ceremonia. Jurado tabata John Flemming, Tecla Willem, Fernando Kock, Jane Lacle y Jaimy Willems. Resultado pa Infantil tabata como lo sigiente: Prome Finalista a keda Prins Pa y Pancho Pret (Chris Pina y Erricson Pieternella) nan a representa Seal Scouting Aruba. Ganadornan Infantil tabata Sunrise Group cu nan Prins Mangel y Pancho Dushi (Xiaver Maduro y Jeandrick Croes).  Pabien na e ganadornan.

Diadomingo merdia na oficina di SAC a presenta tur esnan cu ta bai participa pa prins cu pancho. Tabatin 5 participante Infantil. 3 Hubenil y 2 grandi cu ta participa.
Tabatin algun cambio pa e biaha aki cu a cambia e edad pa Infantil cu ta 6 pa 11 anja.
Tambe a cambia e cantidad di min pa Hubenil y Grandi cu ta 15 min pa motibo di e tiki participante. Click pa e resultado di lot

Den e ultimo encuentro cu gruponan di Carnaval y SAC den 2007 a keda dicidi cu lo tira lot pa e paradanan na comienso di januari 2008 pa asina tur carnavalista ta informa di e nr di nan grupo. Riba dialuna 7 di januari 2008 pa 7:30pm na edificio di ATIA banda di oficina di SAC lo tira lot pa e paradanan di mucha y adulto. Pues tur lidernan di grupo of nan representante ta wordo pidi pa ta presente na tempo pa asina haya sa e secuencia pa loke ta trata e paradanan di mucha y adulto pa Carnaval 2008.