Aruba un biaha mas ta celebra e apertura di e temporada di e celebracion cultural mas grandi cu ta wordo celebra anualmente. E temporada di nos dushi Carnaval. SAC un biaha mas como e organo oficial kende ta encarga cu e coordinacion di e celebracion di Carnaval ta preparando pa asina e pueblo di Aruba por celebra en grande e apertura di e temporada di Carnaval nr 56 pa 2010. Riba diaranson 11 di november 2009 parti mainta lo tin un celebracion pa diferente invitado na Chino Latino cu ta cuminsa pa 10or di mainta. Pa e parti anochi lo ta bai tin oportunidad pa haya un bista di diferente trahenan di e gruponan di Carnaval cu lo ser admira den e parada na 2010.

SAC ta anuncia cu den algun regla di Carnaval a conoce cambio. Por click riba inscripcion y bai riba e regla cu bo kier informacion y bo por lesa of download esaki. Den loke ta algun cambio ta entre otro pa loke ta eleccion di reina antes por a usa 15 bailador riba stage durante e presentacion di show di cada candidata esaki a wordo minimalisa pa 10 bailador. Den eleccion di reina tambe a wordo formalisa cu un candidad cu participa den un eleccion di reina y e no gana e titulo maximo, e lo tin e oportunidad pa bai participa den e mesun seccion di eleccion despues di 3 anja pero e lo mester representa un otro organisacion, grupo, instancia etc .Den eleccion di Prins & Pancho a bini e cambio cu no ta permiti pa ningun participante durante nan presentacion bisti na muher. Pa loke ta e contestnan musical y parada di Carnaval lo ricibi e cambionan den e proximo simannan. Tur regla lo ta disponibel riba e web-site aki pa fin di november 2009.