Pa medio di e comunicado aki Stichting Arubaanse Carnival (SAC) kier a informa henter e pueblo di Aruba specialmente amantenan di Calypso y Roadmarch cu falta poco pa e Actividad mas grandi di nos Carnival, cuminsando cu e pre-final di 4 dia. E dianan ta 2,3,4, y 5 di februari 2009 den Centro di Bario Brazil. Despues ta culmina cu e gran final di e Calypso y Roadmarch contest dia 7 di februari 2009 den Centro di Bario Lago Heights.

Diasabra cu a pasa den un Aruba Entertainment cu hopi ambiente a tuma luga e Tumberito Festival Infantil/Hubenil  2009 cual festival a bin duro duro despues di 5 aña. E Maestronan di ceremonia tabata den persona di Julisa Boekhoudt y Lionel Dirksz. Cu e All Stars Band dirigi dor di Amado Rosina a compaña 16 participante, cual 11 participante  infantil  y 5 Hubenil.

En total 13 grupo mas di 3500 persona lo participa cu 16 banda y 1 brassband pa loke ta e Aruba Tivoli Lighting Parade cu lo tuma lugar dia 14 Februari. pa 6or lo cuminsa sera caminda entre e cruzada di Kooyman y Dakota Shopping Paradise unda cu e trailernan di musica y gruponan lo cuminsa setup pa asina 7or tur ta cla y unda 8or e parada lo cuminsa. E parada ta sali di Kooyman direccion Banco di Caribe, drenta Vondellaan, bira na plaza Las Americas, drenta L.G Smith pa termina na Maduro & Sons. Aki nos tin e lista di e gruponan cu lo participa y su bandanan.

Diaranzon anochi na oficina di SAC a tira lot pa e parada di Adulto pa pabao y pariba di brug. Pa loke ta pariba di brug tin en total 16 grupo. Manera semper tin e prome 3 cu ta reina di Aruba su carnaval sigi pa reina hubenil y Sra Carnaval. E reinanan aki tin cu habri parada dus si un di nan grupo ta participando automaticamente nan tin cu bai dilanti y si nan no tin grupo lo tin mas cu lo participa pa Playa tin mesun hopi grupo. Aki nos tin e lista di e gruponan cu lo ta participando.