| Aruba Presente na Conferencia na Francia |
| Un delegracion di Aruba a viaja pa Ploermel, Francia pa asina participa na e conferencia di Federation European Carnival Cities. E delegacion ta consisti di Sra. Tecla Kelly-Hernandez presidente di SAC, Sr. Rene Ridderstaat secretario di SAC y Sr. Donald Croes miembro di FECC y alabez un carnavalista di Aruba. Aruba a wordo aserca pa varios di e delegadonan pa Aruba organisa e conferencia di FECC na 2011 of 2012. Pa cu esaki Aruba ta dialogando pa wak e proposicion aki. Ploermel un pueblo di 10.000 habitante a haci tur loke ta nan disposicion pa por a host e conferencia aki. Aruba semper a haci un bon papel na e conferencianann di FECC y esaki tabata visibel e biaha aki tambe. Aruba su delegacion a viaja cu varios articulonan di promocion pa asina promociona Aruba pa e celebracion di Carnaval 55 na 2009. ya caba tin representante di Alemania cu ta planea pa bin celebra Carnaval nr 55 na Aruba. Durante e transcurso di e conferencia lo traha pa logra haya mas pais miembro di FECC pa bin celebra na 2009 Aruba su celebracion di esmeralda. |
