Den un ambiente formidabel durante un Bingo Fundraising na Club Caiquetio organisa pa Tara Roga, Champagne a corona su reina infantil di Carnaval 2009. E coronoshon a wordo haci pa Sr. Francis Saladin di Consales cu un biaha mas a pone su confiansa den Grupo Champagne. Ya pa mas di 5 anja caba Consales Aruba ta e sponser principal di  e Grupo di Mucha di Champagne. E sponsor aki ta hacie posibel pa Champagne por tene su prijs di inscripshon pa mucha na un suma hopi abou. Pa cu esaki nos ta gradici e famia di Consales pa nan sosten y nan confiansa.

E reina Infantil di Champagne Tara Roga ta un jovencita di 6 anja cu ta bishitando Mon Plaisier School. E tema cu Tara lo presenta pa su show ta e mesun tema cu Champagne lo presenta den parade di Carnaval di mucha. E tema “It’s a small world”  ta un fantasia saca di Magic Kingdom. Tara su team ta consisti di: Elizabeth Bikker, Marisol Croes, Antoinette v/d Berg, Magaly Maduro, Edgar Kock, Frank Lourens y Freddy Montoya. Tara kier gradici Tia Roosje pa su T-shirtnan. Nash, Tante Poes, Ali, Tante lydia, Tia Lynchie, Tia Jos pa yuda den cushina, Tio Jamilito, Edson, Theo y Theodoor pa yuda den bar. Tia Antoinette, Lizaira, Nana y Omarchelie pa yuda na porta.

Tara ta invita desde awor aki caba tur su amigitosnan di Mon Plaisier School y tur su amigitosnan di Champagne y Aruba en general pa bin apoye dia di su elleccion. E kier duna un sunchi grandi na su Mami Tamara y su Papi Randy cu ta yudando e cu tur, tur cos pa su eleccion.