| Calypso & Roadmarch Contest 2009 na San Nicolas |
|
SAC pa medio di e comunicado di prensa aki ta informa e pueblo Carnavalesco lo siguiente.Varios speculacion tin rond di na unda e Calypso & Roadmarch 2009 lo tuma lugar y si e ta bai pabou of e ta keda na San Nicolaas.SAC como e organo oficial cu tin na su encargo e coordinacion di e celebracion annual di Carnaval na Aruba ta informa cu e actividad di Calyspo y Roadmarch 2009 ta tuma lugar na San Nicolaas. Pues tur esnan cu ta duna informacion robez cu SAC lo kier pa esaki no tuma lugar na San Nicolaas no ta cuadra cu berdad.SAC ta confirma si na e publico engeneral cu e facilidad di Joe Laveist Ballpark lo no wordo usa na 2009 pa e final di Calypso & Roadmarch Contest. Dutante e proximo siman pueblo lo haya e informacionnan concreto di cual ta e facilidad cu lo ta bai wordo usa ya cu tin algun punto cu mester wordo atendi y concretisa pa asina haci e anuncio oficial.
SAC su comicion di Calypso & Roadmarch Contest bou di encargo di Sr. Juancho Kock lo manda yama un conferencia di prensa oficial pa asina duna un presentacion di tur e trabounan cu a tuma lugar prome cu a yega na e facilidad final y tambe pa anuncia na unda e Calypso & Roadmarch Contest 2009 lo tuma lugar.
|
||
