| Cambio di ruta pa loke ta trata parada di mucha na Oranjestad. |
Durante di e reunion di lidernan di grupo pa e luna di oktober a bini riba mesa e punto pa atende pa loke ta peticion cu a drenta na oficina di SAC caminda cu ta sugeri pa trece cambio den e ruta pa e parada di mucha di Oranjestad. Despues di deliberacion di argumentonan pro y contra a yega na e votacion y aki cu e mayoria di e gruponan presente a yega na e desicion pa cambia e ruta di parada di mucha bek pa e ruta di antes.
Pues salida di parada ta
for di Aruba Entertainment Center drenta Vondellaan, lora na man drechi
subi L.G. Smith BLVD, bira na man drechi drenta Adriaan Lacle Blvd,
bira na man drechi drenta Wilhelminastraat sigui direccion oost y subi
Avenida Milo Croes y termina na Aruba Entertainment Center. Pues e ruta lo ta hopi facil pa esnan di grupo di Carnaval di mucha ya cu nan ta regresa e mesun lugar di salida na final di e parada caminda cu mayornan por pasa busca nan yiu(nan) sin ningun problema. Pues SAC ta spera cu e publico engeneral por tene bon cuenta di e cambio aki, cual ta na bienestar di e Carnaval di mucha pa loke ta trata parada di mucha na Oranjestad. Pues e cambio aki ta cu acceptacion di mayoria di e gruponan presente na e reunion.
|
