|
Publicacion di e cancion di Roadmarch prome cu e contest |
Diasabra 8 di november 2008 tabata tin e di 3 encuentro entre e comicion di SAC cu ta encarga cu Calypso & Roadmarch Contest y lider di bandanan musical. Diferente puntonan a wordo trata y tur cos ta musta cu ta canando den un bon caminda pa asina final di november tur e reglanan ta poni den un libreto di informacion pa asina tur musico, cantante y tur esnan interesa pa sa kico tur ta wordo huzga ora bo ta bai competi den e Calypso & Roadmarch Contestnan venidero.
Lo haya
e fecha di inscripcion, dia pa entrega letra, kico lo wordo huzga, ki
tipo di cancion mag di participa, ki tipo di instrumento musical mester
tin minimalmente riba e stage, con largo un cancion mag di ta, ora di
no cumpli cu e reglanan kico ta e sancionnan etc. Pues ta spera tur
esnan cu ta planea pa bai participa na dicho contesta pa busca nan
copia di e foyeto di informacion aki pa asina bo ta na altura na tempo
di kico mag y no mag pa despues ora cu tuma cierto desicion bo por sa
dicon esaki a tuma lugar y abase di cual regla. Un informacion importante ta pa tur esnan cu ya caba tin nan Roadmarch cla y ta desea pa publica esaki tene bon cuenta cu UN DI E REGLANAN HOPI IMPORTANTE TA CU FOR DI DIA 7 DI JANUARI 2009 BO MAG DI PUBLICA BO ROADMARCH cu bo kier competi cu ne den e Contest di Calypso y Roadmarch 2009. Esnan cu publica nan cancion publicamente prome cu e fecha aki lamentablemente no mag di competi cu e cancion aki den dicho contest. Pues tur cantante tene bon na cuenta entrante 7 di januari 2009 bo por lansa bo Roadmarch na radio emisoranan si bo ta desea pa haci esaki. Esnan cu ta bai participa pa e seccion di Calypso si no mag di publica esaki te cu riba e anochi di pre-final. Tur cantante cu kier publica su cancion prome cu e contest lo tin 1 luna di tempo pa lansa nan roadmarch prome cu e anochi final cu lo tuma lugar riba diasabra 7 di februari 2009. Tur banda cu kier saca un concion promocional por hasi esaki na tur momento prome cu e fecha di 7 di januari 2009 pero e cancion promocional aki no mag competi den e Contest. SAC ta spera cu e pueblo cuminsa reserva e fechanan di 2-3-4 di februari 2009 pa e pre-finalnan y diasabra 7 di februari 2009 e Gran final di Calypso & Roadmarch Contest 2009, cual lo bai tuma lugar den un facilidad completamente nobo y cu lo ta bai tin bon facilidad pa e cantante, musico, prensa, personal di Cuerpo Policial y publico en general. Aruba ban prepara nos mes pa ta na caminda pa e actividad cultural musical mas grandi cu Aruba ta celebra anualmente.
|
