|
Programa enconeccion di apertura di e temporada di Carnaval nr 55.Diamars mainta pa 10:00am lo cuminsa risibi e invitadonan na Scol di Arte na San Nicolas bou di musica di steelband pa asina hunto cuminsa cu e celebracion di e apertura di e celebracion di Carnaval nr 55. Pa 10:30am lo tin palabra di bon bini dor di e mc Sr. Elsa Krosendijk. Pa 10:35am lo tin e speech di su Excelencia Minister di Cultura y Deporte Sr. Ramon Lee y Presidente di SAC esta Sra. Tecla Kelly-Hernandez. Despues di e speechanan lo pasa pa entrega di e moneda conmemorativo di Carnaval dor di Presidente di Banco Central di Aruba Sra. J. Figaroa. Lo ta pasa pa entrega di e programa di Carnaval 2009, sigui cu e entrega di e prome T-shirt di Carnaval nr 55 traha pa Marietje Printing.
Pa 11or 11 min y 11 sec e jingle nobo lo wordo lansa pa Sr. Ruben Garcia y RBTT. Despues di e parti oficial lo sigui cu un brindis hunto cu tur esnan presente bou ritmo di steelband. Parti anochi na Paseo Herencia. For di 7:00pm te cu 9:30pm 12 grupo di Carnaval lo expone nan trahe den e Carnaval Expo 2008. Pa 8:45pm lo cuminsa cu e show di Carnaval caminda cu lo ta bai tin coronacion di Reina Infantil di Wizzkids/Mundo Infantil 2009, grupo di baile Lolipop, Youth In Action, Supper Dancers, cantantenan Mighty Nenon, Biggie Boy, Quincy Hasham y Roderick Franken. Pa finalisa e programa lo ta bai tin un jump in cu TBS Brassband hunto cu diferente personahe cu nan trahenan grandi di Carnaval. Pues tur esnan cu ta interesa pa inscibi pa participa den e paradanan di Carnaval por pasa wak e trahanan, busca informacion di e grupo conserni y na mesun momento hasi nan inscripcion. E magazine Bacchanal lo lansa su di 11 edicion. Esaki lo sosode den Aruba Entertainment Center cuminsando pa 7:30pm caminda cu lo tin presentacion di e bandanan Impak, Robert y su Solo Banda Show y Youth X-Treme. Lo tin presentacion di grupo di baile Authentic Dazzlers. Pa 11or 11min y 11 sec lo haci entrega oficial di e di 11 edicion di Bacchanal pa Carnaval nr 55. Entrada pa e celebracion di Bacchanal ta 55 cent cual ta destina pa gruponan di Carnaval di mucha.Pueblo di Aruba engeneral ta keda coordialmente invita pa asisti na e evenementonan aki pa asina hunto nos cuminsa cu un apertura di e temporada di e celebracion cultural mas grandi cu Aruba ta celebra anualmente.
|
