SAC for di mei 2008 a cuminsa ta reuni cu gruponan di Carnaval riba tur di 3 diahuebs di luna pa asina trata diferente punto di atencion. Esaki ta hasi cu ta intercambia di idea y tambe a discuti y dialoga riba diferente punto. Mester bisa cu e perticipacion na e encuentronan aki tabata bon atendi. Durante e encuentro aki por a haya e informacion di cual grupo lo no participa na e paradanan di 2008 y tambe a haya informacion di e tema di algun grupo.

E ultimo encuentro a tuma lugar riba diamars 11 di december 2007.   Durante e encuentro aki lo a trata e punto di musica pa e gruponan di Carnaval pa mucha. Tambe a palabra riba e fecha cu lo tira lot y tambe con lo sigui cu encuentronan durante e temporada di Carnaval 2008. A informa riba e team di emergencia cu lo tin na su encargo e parti di cualkier enventualidad caminda cu lo tin mester di asistencia. Ya caba tin grupo cu a confirma nan participacion na e paradanan di e Carnaval 2008. Pues si bo kier mas informacion di e gruponan aki bo por click libremente den e seccion di gruponan. SAC ta spera di por sigui traha asina di serca cu tur grupo pa asina hunto sigui engrandece Aruba su Carnaval.

Tur grupo ta ser pidi pa reserva dialuna 7 di januari 2008 caminda cu lo tira lot pa tur e paradanan pa loke ta trata Carnaval nr 54.