| Centro di Bario Lago Height ta cla |
E comicion di SAC encarga cu Calypso & Roadmarch 2009 bou di e liderasco di Sr. Juancho Kock ta trahando hopi duro cu tur loke ta e preparacion pa e magno evento aki. Ya caba a bai check e facilidad 2 biaha hunto miembro di directiva di Centro di Bario y di Cuerpo Policial, uno den november y e otro den december pa asina caba di hasi tur ahustacion pa e publico por disfruta di un tremendo contest. Den e prome siman di januari publico por haya pa mira riba e web site aki di SAC e set up con e ta bai ta pe e final di Calypso & Roadmarch Contest 2009 dia 7 di februari 2009 na Centro di Bario Lago Height. Ya caba e luznan a wordo poni bek na nan lugar pa asina garantisa un tremendo iluminacion e anochi di e actividad.
Pa loke ta e facilidad mes di e Centro di Bario lo wordo comberti den tremendo facilidad caminda cu lo tin kleedkamer pa e musiconan, bailadonan, lo ta bai tin un espacio pa e huradonan por hasi tur nan preparacion, e anochi aki lo ta bai tin un pressroom caminda cu tin wi fi disponibel pa tur esnan di prensa cu tin cu upload informacion y potret di e actividad. Lo ta bai tin un espacio grandi caminda cu lo ta bai tin un bigscreen pa musico y cantantenan por sinta chill y warda riba nan respectivo turno y tambe pa warda e resultado final. Parti pariba di e facilidad di e Centro di Bario lo ta bai tin un tent pa e musico y cantantenan cu ta desea pa chill den e espacio ey y caminda cu nan lo tin un bista riba loke ta sosode riba e tereno caminda cu e actividad ta tumando lugar. Den e proximo dianan lo bini mas informacion rond di e actividad ya cu lo ta bai conoce algun cambio pa loke ta trata e trafico etc. SAC ta hasi un invitacion cordial na e publico amante di Calypso & Roadmarch pa reserva e fecha 7 di februari 2009 pa asina bo no perde di ta parti di e actividad aki den su facilidad nobo. Lo anuncia despues tur e camindanan cu lo por parkeer auto pa asina bo por tin e siguransa cu bo por para esaki na lugarnan cu ta safe. |
