|
Permiso pa Actividad cu no ta riba programa di SAC |
SAC ta recorda na tur esnan cu ta planea pa organisa cualkier actividad durante e temporada di Carnaval cu nan mester pasa na oficina di SAC pa asina haya un stempel si ta ok pa organisa e actividad. Esaki ta un acuerdo cu tin pa aña. SAC durante tur temporada di Carnaval tin un permiso general pa organisa actividad di Carnaval. Pues cada instancia, organisacion, grupo, persona individual etc cu ta desea pa organisa un of mas actividad durante e temporada di Carnaval mester trece e peticion PROME cu entrega esaki na warda di Polis pa haya e permiso. SAC como e fundacion oficial y legal pa organisa tur actividad di Carnaval na Aruba ta duna permiso na actividad cu no lo stroba un of mas actividad cu SAC mes ta organisa riba e dia ey.
Pues ta spera cu tur esnan cu ta pensa of planea pa organisa un of mas actividad pa tuma contacto cu oficina di SAC of manda un mail na
This e-mail address is being protected from spam bots, you need JavaScript enabled to view it
. Mester tene bon na cuenta cu tur peticion pa permiso pa cualkier actividad mester ta entrega 10 dia di trabou prome cu e fecha di e actividad na Warda di Polis. Pa e motibo aki SAC ta recorda tur esnan cu ta pensa pa organisa algo durante e temporada di Carnaval pa nan manda nan peticion trempan na oficina di SAC pa asina bo por haya un contesta riba dicho peticion pa e siguiente dia cu entrega e peticion. SAC ta spera cu publico engeneral tene bon cuenta di e proceso aki, ya cu e no ta algo nobo pero ta algo cu a/ta sosode durante tur e añanan cu a pasa. Wak pa bo ta na tempo pa asina tur proceso por cana su caminda cu tempo sin ningun contra tiempo.
|
