Door cu nos ta celebrando e di 55 aniversario di Aruba su carnaval, e meta principal ta pa mantene e organizacion bon pa tur cos cana na ordo, y pesey e reglamento pa e participacion den contest ta wordo entrega cu anterioridad, algo cu den pasado no tabata tuma lugar. Den e reglamento aki nan lo haya tur e informacion manera te cuanto minuto e cancion por bai y kiko lo wordo huzga, entre otro.
E cambio di “sequencer” pa “banda live” ta otro cambio importante cu ta wordo introduci pa prome biaha na e evento aki; un persona so lo keda encarga di scirbi e cambio di baho, piano, brass, y tur e otro instrument cu un banda live lo tin mester, y asina evita e mal entendidonan usual cu ta e banda a hasi fout.
Tur participante mester trek lot, y no mag di cambia di lugar, no tin vrije lot mas manera cu tabata e caso den pasado ora cu e ganador tabata dicidi cu e ta bai ultimo.
