Pa e parti musical a opta pa e aña aki haci uzo di un orkesta di musiconan profesional bou direccion di e conocido Amado Rosina. Pa inscribi e tumberitonan mester tene na cuenta e limitacionnan di edad pa cada seccion. Riba dia di festival e edad di e participante lo mester ta: pa seccion infantil : 7 – 12 aña y pa seccion hubenil :13 – 17 aña. Tambe e participante mester tin e nacionalidad Hulandes. E aña aki Tumberito lo tin 10 paricipante pa cada seccion. Pesey mes nos ta encurasha tur hoben cu ta decidido pa participa na Tumberito pa inscribi prome cu dia 16 di januari 2009. Despues di e fecha aki no ta accepta mas inscripcion.Tur participante por inscribi na oficina di SAC desde awe en adelante. Sea ta baha e formulario di inscripcion for di e website di SAC www.carnavalaruba.net of por pasa na oficina di SAC pa haya uno. Un mayor of representante di e participante por pasa entrega e formulario di inscripcion na SAC cu un identificacion valido di e participante.
For di aki SAC ta haci un yamado na gruponan musical di e temporada di fin di aña unda hobennan tabata activo y tambe na scolnan basico y secundario, pa motiva e muchanan pa participa den TUMBERITO 2009