| Concierto como fundraising pa SAC |
 SAC a reuni cu Minister Candelario (Booshi) Wever pa asina hasi e peticion pa logra haya un concierto dunrante e temporada di Carnaval cual tin como meta pa yuda SAC cubri su gastonan pa loke ta Carnaval. SAC sigur ta duna un palabra di danki especial na Minister di Candelario (Booshi) Wever pa a honra e peticion pa e concierto aki y alabez a duna e posibilidad pa e concierto fundraising di SAC aki bira algo anual. Pues keda pendiente pa nombernan di e proximo artistanan cu lo ta bin presenta na Aruba pa e concierto "Window to the world".
SAC kier logra recauda fondonan ya cu na 2009 Aruba lo celebra su di 55 Carnaval. E aña ey Aruba lo celebra un otro lustro mas di e celebracion cultural mas grandi cu Aruba ta celebra anualmente. SAC ta trahando tambe pa den e proximo 3 pa 5 aña yega na su propio entertaiment center pa asina SAC por duna un mihor sosten na tur e gruponan di Carnaval, kendenan ta haciendo un tremendo trabou. SAC ta spera cu comerciantenan duna nan sosten y cooperacion na SAC pa asina hunto nos por sigui engrandece Aruba su dushi Carnaval. Pasobra "Carnaval di Aruba, Si ta Carnaval".
|
