Den un entertainment center completamente yen a tuma luga e eleccion di reina Infantil di Aruba su Carnival. Maestra di ceremonia pa e anochi aki tabata Elsa Krosendijk.Na e eleccion aki a participa 5 candidata di cual cada un a haci nan presentacion na un manera hopi bunita y unico. Un pabien ta bai pa cada un di bosonan, pasobra cada un di bosonan a mustra e curashi di por a presenta dilanti un publico grandi y a sobresali durante e eleccion.

E huradonan durante e anochi aki tabata tin un trabou hopi dificil pa yega na e resultado cual ta lo siguiente: E ganadora  di ” best speech y most popular” ta, Tara Roga representando Champagne Carnival Group; pa “best costume”ta, Rose-Laine Rock representando wizz kids/mundo infantil y pa “princess” a wordo of mas ta, Alisha Croeze representando Little Chaz/Don Flip Racing cual premio a wordo entrega pa Setar. Aki ta sigui e nombernan cu a keda como finalista y reina infantil di Aruba su Carnival 55:

2do finalista ta, Alisha Croeze representando Little Chaz/Don Flip Racing;

1ra finalista ta, Rose-Laine Rock representando Wizz Kids/Mundo Infantil;

Reina Infantil ta, Tara Roga representando Champagne Carnival Group y Sr. Rudy Frank di precious Anardey a hasi e coronacion.

Tabata tin  presentacion di “Mighty Nenon” ganador di roadmarch Infantil 2008 y tambe e ultimo presentacion y caminata di Aruba su reina infantil 2008, Thyziana de Cuba.

Na e ganadoranan masha pabien cu boso premiacion y nos di SAC ta spera cu boso pasa un dushi Carnival.