Stichting Arubaanse Carnival kier a informa nos pueblo carnavalesco ariba e concierto mas Grandi di Carnival 55 cu lo bai ta 13 di Februari 2009 den Aruba Entertainment Center, “CARNIVAL SHOW DOWN WINDOW TO THE WORLD INTERNATIONAL CONCERT KROSFYAH” pa 8.00 pm. E banda “Krosfyah” ta bin for di Barbados y ta e banda di soca mas inovativo pa nan touch di Reggae, Soca mix etc.

Algun di nan cancionnan mas popular ta entre otro “Pump me up,Poom Poom” etc.

Krosfyah ta e grupo cu mas album di soca a wordo bendi y cu e album “Hot zone” cu 14 cancion ta nan di 3er album cu keto bai ta riba e caminda di exito. E grupo aki cu nan ritmo yen di energia di Carnival ta touch bo alma. Nan no solamente ta enfoca ariba temanan pa fiesta pero nan ta explora topiconan manera libertad di religion etc.

Krosfyah a cambia ful e genero di con e musica ta wordo toca y presenta. Cu presentacionnan unico awe nan a gana e atencion di e audiencia internacionalmente.

Corda reserva dia 13 di februari 2009 pa bo bin pasa un anochi unico cu presentacion di nos bandanan local, Always Search; Impak; Youth Extreme y pa sera e anochi e banda mas popular internacionalmente, Krosfyah.