| “The Queen of Soca” Alison Hinds den concierto na Aruba |
 Alison Hinds ta un artista femenino di soca di Caribe di e isla di Barbados.E ta wordo yama “The Queen of Soca”. Kende no ta corda e periodo di aña 1999-2000 e famoso cancion “Faluma” cual a bira un di e cancionnan top di caribe.
Tambe Alison Hinds ta e unico cantante femenino cu a gana e titulo na Barbados di “The Party Monarch”. Arubo lo tin e honor e biaha aki pa despues di algun añanan pa bolbe disfruta di e bon presentacion di Alison Hinds. Pues tur hende ta wordo pidi pa reserva diabierna 1 di februari 2008 ya cu Aruba Entertainment Center lo ta bay ta hopi explosivo.
Pa Aruba lo presente for di 7 or e bandanan Prive, Youth Exteme, Le Groove y Alison Hinds lo deleita e publico presente te cu 1or di marduga. Pa asina despues di e magno concierto aki tur hende por prepara nan mes pa tuma cabez pariba pa Youvert Morning. Un informacion importante cu ta solamente 2500 ticket general so ta bay tin y 250 VIP. Pues cuminsa na reserva bo ticket na tempo pa asina bo no keda afo. E diabierna aki rond di Aruba tin varios celebracion na diferente negoshi. Pues un yamada ta bay na tur comerciante cu ta desea pa nan celebracion ta espectacular pa yama reserva na ticket pa nan empleado pa asina tur por ta hunto den e concierto cu “The Queen of Soca”
Wel sigur sigur nos tur lo bay “Roll It Gyal”.
|
