Pa medio di e comunicado aki Stichting Arubaanse Carnival (SAC) kier a informa henter e pueblo di Aruba specialmente amantenan di Calypso y Roadmarch cu falta poco pa e Actividad mas grandi di nos Carnival, cuminsando cu e pre-final di 4 dia. E dianan ta 2,3,4, y 5 di februari 2009 den Centro di Bario Brazil. Despues ta culmina cu e gran final di e Calypso y Roadmarch contest dia 7 di februari 2009 den Centro di Bario Lago Heights.

Stichting Arubaanse Carnival “SAC” kier recorda tur participante, musico en general pa tene bon cuenta cu e reglanan. E reglanan ta conta di pre-final te cu final p.e. tanto minuut pa presenta , tanto minuut pa show y si no cumpli cu esaki e reglanan ta wordo aplica. Tambe “SAC” kier recorda cu no tin “vrije” lot      y cu e ganador mester defende su titulo den pre-final pa e por pasa pa Final. (esakinan a wordo acorda durante reunionnan cu tabata tin for di augustus 2008 cu e musiconan conhuntamente cu e comision di Calypso y Roadmarch contest)

Tambe “SAC” kier informa cu e lista di e cantantenan ta wordo duna den e dianan venidero pa motibo cu tin cantante cu a cay afo dor cu nan areglo no a keda cla na tempo.

E aña aki tin un total di 35 banda, cual bandanan ta wordo parti den e siguiente dianan:

Dia 1. Banda no. 1. Climaxx                    7.  Deja Band

                     2. Beto and the Boys                  8.  Musical Time

                     3. Eyes Band                             9.  Papito y Biba Lekker Band

                     4. Zodiac                        10. Tsunami

                     5. Atng                           11. Evolution Time

                     6.Contagious                             12. Oreo

Dia 2. Banda no. 1. Impak                      5. Youth X-treem

                     2.BMW-Plus                     6. Always Search

                     3.Universal Steelpan                   7. Robert y Su Solo Banda Show

                     4.The Creators

Dia 3.Banda no. 1. Dushi Band                           5. The Kings

                    2. 2 Sweet                       6. The Failures

                    3. Super Orquesta Kwasi    7. NBO

                    4. Blade on Demand

Dia 4. Banda no. 1. Pleasure                    5. Songgo Band

                     2. Zeta Band                             6. Prive

                     3. C.T. & Friends              7. Le Groove

                     4. Sweet Potatoe              8. Reload

E prijs pa entrada di cada anochi di Pre-final na Centro di Bario Brazil ta AFL. 10,00  y pa e anochi final cu ta na Centro di Bario Lago Heights ta Afl. 35,00.

Pa e FINAL di Calypso y Roadmarch contest tin “Shuttle”nan ta cuminsa transporta personanan di 7or pm pa 11.30 pm pa CBLH. Despues “Shuttle”nan ta cuminsa transporta e personanan bek pa nan auto for di 12or am te cu 4.or am. Aki nos kier a duna un danki nan nos compania di transportacion ARUBUS pa nan cooperacion. Durante di siman lo duna mas informacion tocante di e “Shuttle” y di e Scolnan na  unda cu nan ta pasa.

Centro di Bario Lago Heights (CBLH) ta cla y transforma den un CARNIVAL ARENA, wardando riba e pueblo carnavalesco pa bin disfruta y pasa un nochi yen di gozo y alegria.                                                                         Nos di Stichting Arubaanse Carnival “SAC” kier invita henter e pueblo di Aruba pa bin apoya tur e particpantenan pa asina nos sigui engrandece nos Calypso y Roadmarch Contest cu e aña aki ta bai bira esun mas GRANDI di Historia. CBLH ta cla, nos ta cla, bosonan ta cla?