Manera a para bira un costumber, Brouwerij Nacional Balashi, e aña aki ta bolbe bin cu su tremendo evento di Djo-Djo. Esaki ta tuma lugar Diamars 10 di Februari 8' or di anochi y e entrada ta completamenta gratis. Un fiesta sumamente grandi y festivo pa duna e pueblo carnavalesco di Aruba danki pa nan aporte na e cerbes local. E aña aki esaki lo tuma lugar un biaha mas den Drive-In cinema, banda di Balashi unda cu lo tin mas cu 7 acto nan musical. Si bo kier sa mas tocante ken tur lo ta bay tocando na Djo-Djo sintonisa Den Dje otro siman

Brouwerij Nacional Balashi, e lider den actividad y campaña pa loke ta temporada di carnaval a sa di un biaha mas pone e mundo carnavalesco riba bou. Tres siman pasa a lansa e campaña di 5 mas 5 ta 10, y e campaña aki ta uno sumamente innovativo y exitante.E manera pa participa den e campanja ta facil: Busca bo waaier (hand fan) di 10-anja Balashi na tur supermercado grandi, Carry Out of hanje ora bo topa un di e muchanan di Wazzup events na varios evento carnavalesco. Hiba e ticket pega na e waaier na Carryout Oranjestad cu e prueba di compra di un caha di Balashi (un recibo). Pega e recibo aki riba e caarchi cu ta pega na e waaier, tire den e tombola na Carryout, pa asina participa pa gana un di e dos premionan di 5000 florin. Balashi ta den tur actividad y tur skina di nos isla durante e temporada aki pa loke ta partimento di premio y asina engrandece carnaval cu e aña aki ta cumpli 55 aña, alabes celebrando e 10 anja di anniversario di Balashi. Diasabra awor bo por participa den e campanja mas facil via e Wazzup girls cu ta bai ta presente den Superfood (9 am – 11 am), Kong Hing (11 am – 1 pm) y Cheng's (1 pm – 3 pm). Ora bo cumpra bo caha di Balashi durante e oranan specifica, automaticamente bo ta hanja un light glass di Balashi. Busca esun di bo!