Stichting Arubaanse Carnival kier a informa nos pueblo carnavalesco encuanto e concierto mas Grandi di Carnival 55 cu KROSFYAH.   Nan ta yega Aruba for di Barbados via Corsow dia 11 di februari 2009 y lo bai duna nan presentacion 13 di Februari 2009 den Aruba Entertainment Center hunto cu e bandanan local IMPAK, ALLWAYS SEARCH Y YOUTH X-TREME pa 8.00 pm. KROSFYAH ta e banda di soca mas inovativo di e temporada aki pa nan touch di REGGAE, SOCA MIX etc. etc.
Algun di nan cancionnan mas popular ta entre otro “Road Jam, Pump me up y Sak Passe.

Krosfyah ta un grupo cu keto bai ta riba caminda di exito. E grupo aki cu nan ritmo yen di energia di Carnival, cu presentacionnan unico, awe nan tin fanaticonan internacionalmente.

Stichting Arubaanse Carnival “SAC” kier a participa na e pueblo carnavalesco cu lo bai tin un CAMPAÑA di Sorpresa pa cu e evento aki y durante e siman aki lo e wordo anuncia.
Alabes Stichting Arubaanse Carnival “SAC” kier a duna un danki special na DIGICEL cu ta e patronisador principal di e evento aki y tambe na ARUBA RESORT, BALASHI, COCA COLA  y JOHNNY WALKER cu ta sostene e evento aki 100%.
Corda reserva dia 13 di februari 2009 pa bo bin charge bo mes cu poco energia Carnavalesco y prepara pa e actividadnan venidero. Ban goza di e anochi unico aki