Pa medio di e comunicado aki Stichting Arubaanse Carnival (SAC) kier a informa henter e pueblo di Aruba specialmente amantenan di Calypso y Roadmarch cu falta poco pa e Actividad mas grandi di nos Carnival, cu ta e gran final di e Calypso y Roadmarch contest 2009 cu lo tuma luga diasabra awor 7 di februari 2009 pa 7.30 pm den Centro di Bario Lago Heights y entrada general ta AFL. 35,00 pa persona.

Stichting Arubaanse Carnival “SAC” kier informa na tur amantenan di Calypso y Roadmarch cu tin pensa di usa un luga pa parkeer nan auto cu tin 850 “Parking Place” cual ta lo siguiente;

·         YMCA 200,

·         St. Augustinus College 100

·         St. Paulus School 250,

·         J.N. Andrew kleuterschool 175

·         Abraham College 125.

Nos kier informa cu ya tin scol cu ta bendiendo ticket y nos kier pidi tur personanan cu tin pensa di hasi uso di e “parking place” pa tuma contacto mas pronto posible cu e scolnan.

E orarionan di transportacion di e “Shuttle”nan pa CBLH ta lo sigiuente; 7.30, 8.00, 8.30, 9.00,9.30,10.00,10.30,11.00,11.30 pm ,aki nos tin cu tene cuenta cu ta cada mei ora y despues “Shuttle”nan ta cuminsa transporta e personanan bek pa nan auto cu ta cada 1 ora cu ta 12.00, 1.00,2.00,3.00 y 4.00 am.

Stichting Arubaanse Carnival “SAC” kier a duna un danki nan nos compania di transportacion ARUBUS , YMCA y e SCOLNAN cu a coopera cu e evento Grandi aki.

Pa evita paramento  den rij largo “SAC” kier pidi e pueblo carnavalesco pa pasa  cumpra bo ticket mas pronto posible na oficina di SAC na Dakota.

Centro di Bario Lago Heights (CBLH) ta cla y transforma den un CARNIVAL ARENA, wardando riba e pueblo carnavalesco pa bin disfruta y pasa un nochi yen di gozo y alegria. Nos di Stichting Arubaanse Carnival “SAC” kier invita henter e pueblo di Aruba pa bin apoya tur e participantenan pa asina nos sigui engrandece nos Calypso y Roadmarch Contest cu e aña aki ta bai bira esun mas GRANDI di Historia.