Krosfyah, un grupo di hobennan hopi humilde cu ta stima musica a bolbe inventa e soca manera nos conoce awendia. E grupo aki cu nan manera unico di bisti ta haci e soca mas “Cool”. Nan ta bisti bootsnan di combat, pañanan hancho di colornan hopi cla y cu “bandanas”cu ta dorna nan “funky dreads”. Asina conhuntamente cu e combinacion di e bistimento y e melodianan infeccioso ta haci cu nan presentacionnan ta yen di energia y di ritmo cu ta papia e lenguahe cu unicamente bo heupnan por compronde.

Durante e ultimo 15 añanan Krosfyah cu nan trip dor di e 3 continentenan a hiba e fanaticonan den e “soca frenzy”. Nan a haña diferente reconocemento manera, “Band of the year award; 1^st annual Barbados Music award; hottest overall Soca Brass Band; Barbados Crop Over festival; World Beat Music for their contribution to Soca music; Best Community band” y asina tin mucho mas pa menciona.

Pueblo Carnavalesco ata bo oportunidad unico aki, 13 di februari 2009 cuminsando 08:00pm den Aruba Entertainment Center, Bo Cas di Carnival, pa solamente Afl. 35,00 general y Afl. 75,00 VIP. hunto cu Impak, Allways Search y Youth X-treme.

Stichting Arubaanse Carnival (SAC) ta invita pueblo di Aruba pa bin goza y celebra nos carnival 55 na E CAS di Carnival (Aruba Entertainment Center). Laga nos regala nos mes un anochi special yena cu musica y alegria.