Diaranzon ultimo e campaña inovativo y dinamico y exitante di Brouwerij Nacional Balashi a jega su final. Culminando asina 5 siman di campaña den un tremendo fiesta na Talk of the Town. Dos ganador feliz di 5000 florin y dos ganador di 500 florin a bin colecta nan premio pa asina caba e temproada dushi di carnaval aki riba un nota positivo. Den un forma festivo e premionan gordo a wordo parti na Talk of the Town, cu ta forma parti di e Balashi Carnaval Town, cu porcierto a sa di pone drama den e temporada di Carnaval 55
Riba e anochi aki, Brouwerij Nacional Balashi conhuntamente cu Tropical Bottling Company tambe a honra e ganadornan di tur concurso di carnaval 55. Ganadornan manera Reinanan, Prins y Panchonan y e Cantantenan di tumba, roadmarch y calypso cu a cumpli debidamente den carnaval 55. tambe riba e anochi aki Brouwerij Nacional Balashi a gradici tur e bendedornan di canto di caminda pa nan aporte cu nos producto local cu ta e cerbes di nos, Balashi, y tambe Brouwerij Nacional Balashi kier a gradici tur hende cu den un forma of otro a contribui na hasi e temporada aki di carnaval 55 un exito. No ta keda nos nada mas cu desea tur e pueblo carnavalesco di Aruba un dushi ultimo siman di carnaval. Y corda di pasa banda di Balashi Carnaval Town pa pasa bon y gana premionan atractivo.
