SAC ta anuncia cu den algun regla di Carnaval a conoce cambio. Por click riba inscripcion y bai riba e regla cu bo kier informacion y bo por lesa of download esaki. Den loke ta algun cambio ta entre otro pa loke ta eleccion di reina antes por a usa 15 bailador riba stage durante e presentacion di show di cada candidata esaki a wordo minimalisa pa 10 bailador. Den eleccion di reina tambe a wordo formalisa cu un candidad cu participa den un eleccion di reina y e no gana e titulo maximo, e lo tin e oportunidad pa bai participa den e mesun seccion di eleccion despues di 3 anja pero e lo mester representa un otro organisacion, grupo, instancia etc .Den eleccion di Prins & Pancho a bini e cambio cu no ta permiti pa ningun participante durante nan presentacion bisti na muher. Pa loke ta e contestnan musical y parada di Carnaval lo ricibi e cambionan den e proximo simannan. Tur regla lo ta disponibel riba e web-site aki pa fin di november 2009.

E cambionan hasi ta pa mehora y drecha e calidad di e actividadnan di Carnaval. Pa logra e cambionan aki a pidi recomendacion serca diferente persona y despues di a evalua tur sugerencia a trece e proposicion di cambio den reunion di Raad van Beheer y den e reunion nan a wordo aproba unanimamente. E cambionan a bini tambe despues di e haya hopi comentario cu e eleccion di reinanan ta birando mucho caro y bahando e cantidad di participante pa show lo yuda na cuminsa minimalisa e gastonan.