|
SAC ta premira un Carnaval nr 56 hopi positivo |
Celebracion di Carnaval y 11-11
SAC na prome lugar kier a pone na atencion di tur esnan cu ta di e pensamento cu pa kico mester haci celebracion di carnaval den luna di november ya cu ainda no a celebra Pasco ni Aña nobo. Pa cu esaki SAC ta spera cu tur e personanan cu tin e pensamento aki busca den historia y pa asina conoce e realidad di e celebracion di carnaval ta mara na e custumber di e religion Cristian. Si un parti di historia caminda cu Papa Paulo 3 a pone un decreto pa e cristianonan por celebra carnaval 3 dia prome cu e diaranson di shinishi. E fecha 11 di november ta mara na preparacion pa drenta Advent.
Na Aruba nos tambe a adopta e fecha 11-11 di cada aña pa tuma e dia aki como e dia cu lo habri e temporada di e celebracion di Carnaval. SAC tambe ta mantene e fecha 11-11 pa celebra e apertura di e celebracion cultural mas grandi cu Aruba ta celebra anualmente. SAC ta hasi uso di e fecha 11-11 so pa celebra e apertura y despues di e fecha no tin ningun actividad di Carnaval te cu despues dia 1 di januari SAC ta continua cu e demas actividad carnavalesco pa asina tur hende por goza. Si den e dianan despues di 11 di november por tende di Carnaval ta pa informa e publico riba un of mas situacion. SAC ta mira atras riba un tremendo celebracion di apertura di Carnaval 11-11. Un danki ta bai na tur esnan cu a hasi e celebracion aki posibel y sigur na e publico cu a asisti pa asina disfruta di e ambiente Carnavalesco. Acuerdo cu Cruz CoraSAC y Cruz Cora a logra yega na un acuerdo di cooperacion pa un periodo di 5 aña pa e celebracion di carnaval. Pa medio di bon encuentro di dialogo y treciendo proposicion di alternativa pa asina yega na un acuerdo di cooperacion a yega na final pa firma un acuerdo pa e proximo 5 aña. Esaki ta duna cada un partido e alivio cu no mester sinta pa dialoga riba un suma mas pero lo por sinta pa evalua e trabounan y tambe pa ahusta of hasi adaptacion na unda tin mester. SAC como e fundacion cu tin na su encargo e coordinacion di e celebracion di carnaval na Aruba ta ricibi den tur su permisonan pidi como un clausula cu e mester cumpli cu ne durante su actividadnan e punto di Emergencia caminda cu si algo pasa mester tin persona cualifica pa duna e prome ayudo y e otro punto ta e parti di seguridad. E parti di seguridad aki ta un post cu tambe ta exigi un suma basta halto cu ne. Pa cubri e gasto cu e 2 postnan aki ta trece cu nan SAC ta trahando riba alternativa pa asina garantisa e publico cu participa na SAC su actividad e parti di seguridad y emergencia. SAC ta hasi un yamada na tur esnan cu ta dispuesto pa coopera den contribucion cu un di e 2 postnan aki cu nan por tuma contacto cu SAC su oficina pa asina yega na un acuerdo di cooperacion. Calypso & Roadmarch Contest ta bai Joe Laveist Ballpark.SAC ta aprecia masha hopi mes cu Gobierno di Aruba a tuma e iniciativa pa duna ASU e contibucion pa asina drecha e facilidad di Joe Laveist Ballpark y pa cual ASU na su turno a pone e facilidad na disposicion di SAC pa organisa su Calypso & Roadmarch Contest sin ningun costo. SAC na prome lugar kier a felicita e mundo di deporte y tambe San Nicolas pa e logro caminda cu Joe Laveist ta bai wordo poni den un estado optimal caminda cu e por wordo usa bek pa tur e practicanan di deporte cu tabata hasi uso di e facilidad. SAC sigur ta aprecia cu ASU a pone e localidad na disposicion di SAC pa organisa e Calypso & Roadmarch Contest 2010 den Joe Laveist Ballpark. Ya cu SAC ta hasi uso di e facilidad solamente 1 bez pa aña pero Deporte pa cual e facilidad ta destina lo beneficia di dje tur e otro dianan di e aña. SAC for di medio mei di aña aki a cuminsa delibera cu representante di ASU pa sondea e posibilidad pa hasi uso di e facilidad. Cual como contesta na prome instante no tabata mucho positivo ya cu no tabata tin e garantia cu e facilidad lo ta den un estado optimal cu lo por hasi uso di dje pero SAC manera un organisacion serio a keda traha pa asina sondea e facilidadnan cu lo por wordo usa. Pues ta un sorpresa sigur pa SAC di por hasi uso di e facilidad SIN NINGUN COSTO, o sea GRATIS caminda cu tur e bar y cushina lo bai pa SAC y esaki sigur a cay den bon tera.SAC for di Carnaval 50 a keda traha pa logra haya tur loke ta e bar- y cushinanan pa e gruponan di Carnaval. SAC nunca a cobra e gruponan di carnaval pa bar ni cushina, aunke tin algun condicion si. SAC semper a percura pa paga e permiso pa benta di cuminda, bebida y ta paga pa e limpiesa sin cobra e gruponan cu ricibi bar of cushina. Esnan cu haya bar y cushina ta ricibi cierto cantidad di entrada pa e personal cu lo percura pa e benta den nan stand y pa esnan cu kier trece algun personal extra por haya entrada pa nan na un prijs special. Ya cu SAC su filosofia ta cu tur loke ta actividad di carnaval su beneficionan mester ta benificia esnan cu ta hasi e carnaval un realidad cual ta e gruponan cu ta hasi un trabou increibel pa asina pueblo y mundo por disfruta.SAC pa añanan sa duna sosten na e gruponan di carnaval cu hasi un peticion (esaki ta wordo honra ora cu tin fondo pa esaki) y tambe SAC ta sosten organisacion y scolnan cu ta hasi peticion pa sosten pa nan actividad di carnaval. Pues esaki ta un par di forma cu SAC ta inverti bek den carnaval. Positivismo pa 2010SAC ta spera cu tur amante di carnaval duna nan sosten y colaboracion pa asina nos sigui traha na e desaroyo positivo y engrandecimento di Aruba su carnaval. Ban hasi Aruba su Carnaval un otro producto di mercadeo stabil pa asina trece mas bishitante di exterior pa bin celebra cu nos Aruba su dushi carnaval ya cu “Carnaval di Aruba si ta Carnaval”. Un critica positivo semper ta bon bini pero si e persona cu tin su critica positivo ta duna un solucion of si e mes tambe kier duna un man pa aporta pa Carnaval e ta mas cu bon bini. |
