|
Encuentro cu participantenan pa eleccion di Prins y Pancho 2010 |
 SAC ta hasi un yamada na tur esnan interesa pa participa pa e eleccion di Prins y Pancho pa Aruba su Carnaval nr 56 pa asisti na un encuentro diahuebs 7 di januari 2010 pa 8:00pm. Encuentro cu e participantenan y nan entrenador ta tuma lugar na oficina di SAC. Meta di e encuentro ta pa haya tur inscripcion completo di cada pareha participante y tambe pa duna informacion di regla y huzgamento di eleccion Prins y Pancho 2010.Manera tur hende por a wordo informa caba cu den algun regla a conoce cambio. Esaki nan ta entre otro cu no ta permiti ningun candidato di eleccion di Prins y Pancho bisti na muher durante nan presentacion. Tambe e parti di presentacion cu ta duna extra punto ta e parti cu animacion/ambiente y contamento di chiste.
Motibo di e cambio aki ta pa duna e Prins y Pancho ganador e tarea principal pa anima y pone ambiente durante tur e actividadnan di Carnaval entre otro parada, eleccionnan di reina etc y tambe pa nan anima e figuranan di Carnaval durante e temporada completo. SAC ta spera cu por ricibi mas participante pa e eleccion di Prins y Pancho pa cu e celebracion di Aruba su Carnaval nr 56. Te cu diaranson 6 di januari 2010 tabata tin Pa e anochi esnan cu ainda no a dicidi of tin e gana pa participa tambe ta wordo spera pa ta presente pa asina ricibi tur informacion caminda cu despues di ricibi tur informacion entorno e eleccion di Prins y Pancho nan por tuma e decicion final cu nan lo participa pa asina yuda engrandece Aruba su Carnaval.SAC ta informa cu riba e website di SAC por encontra e reglanan y tambe formulario di inscripcion pero esakinan tambe por wordo busca na oficina di SAC.
|
