| Carnaval Emergency Medical Team |
 Pa Carnaval 2008 Aruba lo sera conoci cu Carnaval Emergency Medical Team (CEMT) esaki ta un team cu ta consisti di diferente organisacion cu ta duna e servicio di emergencia. E team aki ta bou di encargo si Sr Babu Hoek kende a keda apunta pa SAC pa forma un team di emergencia. Despues di a sinta den algun encuentronan pa asina dialoga riba diferente puntonan di atencion a keda formalisa e cooperacion. Tur esnan cu lo ta forma parti di e team aki ta boluntario. Ya caba por bisa cu tin e bon cooperacion di parti di Cuerpo di Ambulance di Aruba y tambe Horacio Oduber Hospitaal. Pues tur esnan cu di un forma of otro kier duna un cooperacion na e team aki nan por hasi esaki libremente. SAC ta haci un peticion pa tur hende yuda cu e parti di prevencion pa asina evita sucedidonan. Hunto nos por yuda evita situacionnan menos agradabel caminda cu e victima no por sigui disfruta di nos dushi Carnaval. Durante e proximo dianan lo bini mas informacion di e team di emergencia aki pa asina concientisa e pueblo pa ora tin un incidente con esaki mester wordo raporta pa e team di emergencia aki.
|
