E anja aki manera cu tur hende sa tin e team nobo cu lo ta encarga cu e parti di Emergencia den carnaval cu ta CEMT. Nan mester ta bon comunica y pesey Zenitel a yega na un acuerdo cu nan pa asina tene nan comunica den Carnaval 54. Zenitel ta ofrece nan un sistema avanca di trunking cu nan tin cu ta "chuchubi". E sistema aki tin GPRS cu lo mustra unda cada persona cu e trunking ta. Dus ora un persona bel 911 y bisa cu tin un emergencia durante parada lo tin cu bisa e number di palo di luz cu ta mas serca y esaki lo yuda e team di emergencia yega mas liher. Zenitel ta mas cu contento di yuda e team di CEMT den carnaval.