Diahuebs atardi na oficina di SAC tabatin un conferencia di prensa unda cu SAC a introduci e Carnival Emergency Medical Team na prensa di Aruba. Sr Hoek ta e persona cu a presenta e proyecto aki unda diferente profesional y organisacion a bira e team oficial di Carnaval pa emergencianan. EMS - Hospital - Valero - Emergency Response Brigade - SARFA - SSERT. CEMT lo wordo yuda cu comunicacion door di Zenitel y Balashi cu Coca Cola lo dunanan producto di bebe. CEMT lo tin un post na Juliana School pa paradanan di playa y na YMCA San Nicolaas pa parada di pariba. Lo tin un EHBO Post pa Calypso y Roadmarch. Hospital tambe ta yuda cu ambulance y cu material. Ora tin un emergencia mester yama 911 y nan lo comunica cu e team aki durante e eventonan.