|
Consecuencia pa esun cu stroba un actividad |
|
SAC ta informa na e publico engeneral cu esnan cu ta pensa pa causa problema na un of mas actividad organisa dor di SAC pa tene bon cuenta cu lo siguiente. Esun of esnan cu causa problema caminda cu e actividad di Carnaval organisa pa SAC mester wordo cancela of caminda cu autoridad ta pone un stop na e actividad di SAC caminda cu SAC lo sufri consecuencia financiero tin cu core cu e consecuencia cu SAC lo entama un caso legal pa asina pone esun of esnan cu a causa e problema aki legalmente responsabel pa e perdida financiero.
Si a caso e miembro di seguridad haya cualkier persona cu kier drenta
den e actividad organisa dor di SAC wordo haya cu un arma of otro
objeto cu por wordo usa como arma, e persona aki lo wordo poni
imediatamente den man di autoridad.Pues esnan cu tin intencion pa causa problema na un actividad di Carnaval nan tin cu tene bon na cuenta cu nan lo por sinti e consecuencia legal pa esaki. SAC na tur momento tin e derecho pa prohibi entrada na su actividad na persona(nan) di cual tin e sospecho cu nan lo por stroba e seguridad. Alabez SAC lo bay delibera cu autoridad riba e ley caminda cu esun of esnan cu viola e ordo publico of cu a wordo haya cu arma lo por pidi pa e por bay den "bewaring" pa cuminsa sigur cu 10 dia encarcela.
|
