|
Tiramento di Lot pa Paradanan |
|
Den e ultimo encuentro cu gruponan di Carnaval y SAC den 2007 a keda dicidi cu lo tira lot pa e paradanan na comienso di januari 2008 pa asina tur carnavalista ta informa di e nr di nan grupo. Riba dialuna 7 di januari 2008 pa 7:30pm na edificio di ATIA banda di oficina di SAC lo tira lot pa e paradanan di mucha y adulto. Pues tur lidernan di grupo of nan representante ta wordo pidi pa ta presente na tempo pa asina haya sa e secuencia pa loke ta trata e paradanan di mucha y adulto pa Carnaval 2008.
Un recordatorio ta bay na tur lidernan di grupo pa corda yena nan formulario di informacion di nan grupo y entrega esaki na oficina di SAC. Si bo no tin bo formulario ainda bo por download esaki y mail of entrega esaki na oficina di SAC. Durante e encuentro aki lo tin presente representante di Cuerpo Policial di Aruba y tambe di e team di emergencia pa duna informacion pa asina logra un mihor cooperacion entre tur hende cu ta traha cu Carnaval.
|
